Şu gün Türkmenistanyň daşary işler ministri Raşid Meredow bilen Täjigistanyň daşary işler ministri Sirojiddin Muhriddiniň arasynda duşuşyk geçirildi.
Täjigistanyň Daşary işler ministrliginiň habar berşi ýaly, duşuşykda esasy üns Merkezi Aziýa döwletleriniň Baştutanlarynyň bäşinji konsultatiw duşuşygyna we Araly halas etmegiň halkara gaznasyny esaslandyryjy döwletleriň Baştutanlarynyň mejlisine berildi.
Ozal Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň şu gün Duşanbe şäherinde geçirilen Merkezi Aziýa ýurtlarynyň ulag ministrleriniň ilkinji ýygnagynda ýurda wekilçilik edendigini habar beripdik.
