Türkmenistanyň futbol boýunça milli ýygyndysynyň sentýabr aýynda Indoneziýanyň we Bahreýniň ýygyndylary bilen geçirjek ýoldaşlyk duşuşyklaryna legioner futbolçylaryň üçüsi gatnaşar.
Olar Gonkongyň «Kitçisiniň» ýarym goragçysy Ruslan Mingazow, Gyrgyzystanyň «Abdyşata» toparynyň goragçysy Teýmur Çaryýew we Belarusyň «Energetik-BGU» toparyndan goragçy Wepa Jumaýewdir.
Şeýle hem baş tälimçi Mergen Orazow «Arkadag» futbol toparyndan 9, «Ahaldan» 6, «Altyn asyrdan» 5 futbolçyny milli ýygynda çagyrdy.
23 futbolçydan yabarat türkmen ýygyndysy 8-nji sentýabrda Surabaýa şäherinde Indoneziýanyň, 12-nji sentýabrda bolsa Dubaýda Bahreýniň ýygyndysy bilen ýoldaşlyk duşuşyklaryny geçirer.
