Girmek
KHBS-iň wekilleriniň hem-de bu ugurda bilim alýan talyplaryň arasynda giňden tanalýan Akim Mogaji ÝUNISEF tarapyndan Türkmenistanyň döwlet we hususy habar beriş serişdeleri üçin guralan seminary geçirmek üçin Aşgabada geldi. Seminar üç gün, ýagny 16—18-nji awgust aralygynda dowam eder diýip, «newscentralasia.net» habar berýär.
Habarda bellenilişi ýaly, Mogaji seminary özüniň «usuldan daşary usul» diýip atlandyrýan tertibinde geçýär. Bu tertibe laýyklykda, ol seminara gatnaşjaklara berjek soraglaryny hem-de ediljek gürrüňleri söhbetdeşligiň dowamynda ýüzugra düzýär.
Özüniň ruhlandyryjy soraglary bermek ukyby bilen, Akim 16-njy awgustda — seminaryň ilkinji gününde her gatnaşyjynyň iň gowy taraplaryny ýüze çykarmagy başardy. Bu usul söhbetdeşlige gatnaşýan taraplaryň ikisi üçin hem peýdaly bolup durýar diýip, çeşme belleýär.
Seminara gatnaşyjylar üçin bu usul birek-biregiň güýçli taraplaryna täzeçe garamaga şert döredýär. Munuň bolsa Akimiň seminary geçiş usulynyň aýratyn bir bölegidigi nygtalýar.