«Türkmenistan» awiakompaniýasynyň Russiýadaky baş agenti «WKontakte» sosial ulgamyndaky resmi sahypasynda Moskwa — Aşgabat we Aşgabat — Moskwa ugurlary boýunça uçuşlar üçin satyn alnan ähli petekleriň Kazan — Aşgabat we Aşgabat — Kazan ugurlary boýunça hereket edýändigini habar berýär.

Habarda: «Moskwa — Aşgabat ugry boýunça petekleri bolan ýolagçylary Kazan howa menziline we Aşgabatdan gelýänleri Kazan howa menzilinden Moskwa mugt eltiljekdigini ýatladýarys» diýilýär.

Ýolagçylardan petekde görkezilen gidiş wagtyndan 3 sagat öň Domodedowo howa menziline gelmegi we täzelenmeleri yzarlamagy haýyş edilýär.

«Türkmenistan» awiakompaniýasynyň Russiýadaky baş agentiliginiň habarynda «Ähli petekleriň güýjüni saklaýandygy barada» aýdylýar.

Ozal «Turkmenportal» «Türkmenistan» awiakompaniýasynyň 2023-nji ýylyň 1-nji awgustyndan Aşgabat — Moskwa — Aşgabat ugurlarynda uçuşlaryň togtatýandygyny habar beripdi. Russiýa uçuşlar Aşgabat (ASB) — Kazan (KZN) — Aşgabat (ASB) ugurlarynda amala aşyrylar.

Uçuş tertibi we petekler boýunça has giňişleýin maglumatlary awiakompaniýanyň resmi web sahypasyndan alyp bilersiňiz.