Türkmenistan 2023-nji ýylyň ýanwar — iýun aýlary aralygynda Hytaý Halk Respublikasyna 5,06 milliard dollarlyk tebigy gaz eksport etdi. Bu barada Hytaýyň gümrük gullugynyň maglumatlaryna salgylanyp, UzDaily.com habar berdi.
Habarda goňşy Özbegistanyň Hytaýa diňe iýun aýynda 85 million dollardan gowrak tebigy gaz eksport edendigi bellenilýär. Şeýle hem 2023-nji ýylyň ýanwar —iýun aýlarynda bu görkezijiniň 203,9 million dollara barabar bolandygy aýdylýar.
Şeýlelikde, ýylyň birinji ýarymynyň netijelerine görä, Özbegistan Türkmenistandan (5,06 milliard dollar), Russiýadan (3,98 milliard dollar), Mýanmadan (737,9 million dollar) we Gazagystandan (448,7 million dollar) soň Hytaýa esasy bäş gaz üpjün edijiniň birine öwrüldi.
Mundan başga-da, bellenilişi ýaly, Özbegistandan Hytaýa eksportyň depginini artmagyny dowam etdirýär, ýagny maý aýy bilen deňeşdirilende, aýlyk eksportyň mukdary 9 göterim ýa-da 7,14 million dollar ýokarlandy diýlip, habarda aýdylýar.
