Aziýa Ösüş Banky (AÖB) Kawkaz we Merkezi Aziýa sebiti boýunça jemi içerki önümiň ösüş çaklamasyny täzeledi. Netijede, ösüş çaklamasy 2023-nji ýyl üçin 0,1 göterim, 2024-nji ýyl üçin bolsa 0,2 göterim peseldi. Bu barada Bankyň iýul aýyndaky hasabatyna salgylanyp, «Report.az» habar berdi.
Bankyň «Aziýanyň ösüş çaklamasy: hümmetsizlenmäniň öňüni almak bilen durnukly ösüş» atly bu hasabatynda bellenilişi ýaly, sebitiň ykdysadyýetiniň ösüş depgini, aprel aýyndaky çaklamalar bilen deňeşdirilende, 2023-nji ýyldaky 4,4 göterimden 4,3 göterime, 2024-nji ýyldaky 4,6 göterimden 4,4 göterime çenli azaldy.
«Iki üýtgeşme hem Azerbaýjan we Türkmenistan üçin pes çaklamalary görkezýär. Azerbaýjanda 2023-nji ýylyň ilkinji 5 aýynda nebit-gaz önümçiligi garaşylýanyndan has azaldy» diýip, hasabatda bellenilýär.
Ozal Aziýa Ösüş Bankynyň Türkmenistanda faktoring bazary boýunça orta möhletli çaklamasyny okyjylara ýetiripdik.
