Minsk şäherinde GDA-nyň II oýunlarynyň medallarynyň we tumarynyň tanyşdyrylyş dabarasy boldy. Oýunlar 4 ― 14-nji awgust aralygynda Belarus Respublikasynyň 11 şäherinde geçiriler. GDA-nyň Ýerine ýetiriji komitetiniň metbugat gullugynyň habar bermegine görä, oňa dünýä döwletlerinden 4 müňden gowrak türgen gatnaşar.
Guramaçylyk toopary medallaryň 1672-sini taýýarlady. Oýunlaryň dowamynda sportuň 20 görnüşi boýunça ýaryşlar geçiriler. Türkmenistanly türgenleriň agyr atletika, sambo, karate, dzýudo, sport göreşi, boks, ýeňil atletika, suwda ýüzmek we taý boksy boýunça ýaryşlara gatnaşmagyna garaşylýar.
