Hytaýyň paýtagtynda görülmedik yssy howa dowam edýär, ýagny Pekinde howa howpunyň iň ýokary, «gyzyl» derejesi yglan edildi. Etraplaryň köpüsinde günüň dowamynda termometriň sütünjigi Selsiý boýunýa 40 gradusdan pese gaçmady diýip, «MIR 24» ýazýar.
40 graduslyk jokrama yssy howa eýýäm dört gün bäri dowam edýär, bu meteorologik stansiýanyň işläp gelýän 1951-nji ýyldan bäri hasaba alnan iň ýokary görkezijidir. Öň iýunyň başyndan 5-nji iýula çenli paýtagtyň Nanszin etrabynda howanyň derejesi 18 günläp, 35 gradusdan pese gaçmady.
Pekinlilere binalardan daşarda bolmagy azaltmagy we gün urmadan goranmak üçin zerur çäreleri görmegi maslahat berýärler. Çaklamalara görä, yssy howa anna gününe çenli dowam eder diýip, ýerli «Sinhua» habarlar gullugy ýazýar.
