Türkmenistanyň Senagat we gurluşyk önümçiligi ministrliginiň ýurduň nebitgaz we elektroenergetika senagatlary üçin enjamlary hem-de ätiýaçlyk şaýlaryny öndürýän «Nebitmaş» döwlet kärhanasy wahta gullugynyň alnyp barylýan ýerlerinde ýaşamak üçin wagon görnüşli amatly hem-de giň öýjagazlary hödürleýär.

Ýörite typýan aýakly (salazkaly) wagon-öýjagazlarda (ýerini üýtgetmegiň ýeňil bolmagy üçin) wahta usulynda ilatly nokatlardan uzakda işleýän nebitçileriň, burawlaýjylaryň, elektrik geçirijilerini çekijileriň hojalygyny emele getirmekleri hem-de ýaşamaklary üçin ähli şertler bar. Galyberse-de, şeýle wagonlarda iş otaglaryny, kiçiräk ussahanalary, aşhanalary, hammam we beýleki goşmaça otaglary ýerleşdirmek mümkindir.

Agramy bäş ýarym tonna barabar wagonyň uzynlygy 9 metre, ini 2,6 metre, uzynlygy 3,7 metre deňdir. Wagon görnüşli öýjagazlar ýükgöterijiligi 4 tonna bolan awtoulag serişdeleri bilen daşalyp bilner.

«Nebitmaş» DK-nyň salgysy: Aşgabat, 2008-nji köç., 6-njy jaý.

Habarlaşmak üçin telefonlar: (+993 12) 76 02 43; 76 03 69, Faks: (+993 12) 76 02 25.

Şeýle-de okaň:

• «Nebitmaş» kärhanasy enjamlaryň we önümçilik-tehniki maksatly önümleriň köp dürli görnüşlerini öndürýär
• «Nebitmaş» döwlet kärhanasy nebitgaz we energetika senagaty üçin enjamlary öndürýär