Türkmenistanyň Futbol federasiýasy Ýokary liganyň 9-njy tapgyrynyň duşuşyklaryny öňe süýşürdi.

Ozal 30-njy maýda oýnalmagy meýilleşdirilen «Arkadag» ― «Ahal», «Aşgabat» ― «Köpetdag», «Nebitçi» ― «Merw» we «Energetik» ― «Altyn asyr» duşuşyklary 26-njy we 27-nji maýda oýnalar.

Soňra bolsa Türkmenistanyň milli ýygyndysynyň CAFA Nations Cup 2023 sebit ýaryşyna taýýarlyk görjekdigini ýatladýarys.

Sebitde milli ýygyndylar derejesinde ilkinji gezek geçiriljek ýaryşa 10-njy iýunda badalga berler we ol 20-nji iýun güni tamamlanar.

9-njy tapgyryň duşuşyklary:

26-njy maý, anna

• 18:00 / «Arkadag» – «Ahal»

27-nji maý, şenbe

• 18:00 / «Aşgabat» – «Köpetdag»
• 18:15 / «Nebitçi» – «Merw»
• 18:00 / «Energetik» – «Altyn asyr».