Turiniň «Ýuwentus» klubynyň indiki möwsümde Ýewropa çempionlar ligasyna gatnaşyp bilmezligi mümkin. Çünki, galp maliýe amallary sebäpli bildirilen aýyplamalaryň netijesinde kazyýet A seriýanyň turnir tablisasynda «Ýuwentusdan» 10 utuk aýyrmak barada karar çykardy. Netijede «Ýuwentus» ýedinji orna çenli aşaklady.

Bu habaryň yzysüre düýn agşam «Ýuwentus» A seriýanyň 36-njy tapgyrynda «Empoli» bilen güýç synanyşyp, 4:1 hasabynda ýeňlişe sezewar boldy. Häzirki wagtda «Ýuwentusyň» hasabynda 36 oýundan soňra 59 utuk bar. Şeýlelikde, ýaryşyň tamamlanmagyna 2 tapgyr galanda «Ýuwentus» Ýewropa çempionlar ligasyna ýollanma berýän dördünji orundan 5 utuk yzda barýar.