Uzaga çeken çabga ýagyşlary Italiýanyň demirgazygynda güýçli sil joşgunlaryny döretdi, netijede, oba hojalykçylar dänäniň 400 müň tonnasyny ýitirdiler diýip, «MIR 24» ýazýar.
Ýurduň «Coldiretti» oba hojalyk önümlerini öndürijileriniň assosiasiýasynyň maglumatlaryna laýyklykda, ýerli bugdaý önümçiliginiň 33 göterimi sil joşgunlarynyň has köp ýitgi getiren Emiliýa-Romanýe ülkesinde ýerleşýär.
Tebigy betbagtçylyk çörek we makaron önümçiligine zyýan ýetirer, onuň 60 göterimden gowragyny Italiýa eksporta ýollaýar diýip, «Coldiretti» duýdurýar.
Sil suwlary diňe bir ekin meýdanlaryna däl, oba hojalyk tehnikalarydyr ýyladyşhanalara hem zeper ýetirdi. Sil joşmalary sebäpli eýýäm fermalardyr we oba hojalyk kompaniýalarynyň 5 müňden gowragy batdy diýlip, assosiasiýanyň beýanatynda aýdylýar.
