7-nji tapgyryň çäginde «Nusaý» stadionynda «Aşgabat» bilen «Altyn asyryň» arasynda geçirilen duşuşyk tamamlandy. Duşuşykda «aragatnaşykçylar» 1:0 hasabynda ýeňiş gazandylar.

62-nji minutda «Aşgabadyň» futbolçysy Garly Garlyýew dartgynly oýun pursadynda pökgini öz derwezesinden geçirdi. Şol gol hem «Aşgabada» utulyşy, «Altyn asyra» ýeňşi getirdi.

Bu ýeňişden soň utugyny 14-e çykaran «Altyn asyr» ikinji, 9 utukly «Aşgabat» bolsa bäşinji orny eýeleýär.