Türkmenistanyň futbol boýunça 20 ýaşa çenli ýaşlar ýygyndysy Merkezi Aziýanyň Futbol assosiasiýasynyň (CAFA) çempionatyna gatnaşar.

CAFA-nyň metbugat gullugy sebit ýaryşynyň 19 ― 29-njy maý aralygynda Täjigistanda geçiriljekdigini habar berdi.

Çempionata türkmen ýygyndysyndan başga-da dört topar gatnaşar. Olar Owganystanyň, Eýranyň, Täjigistanyň we Özbegistanyň ýygyndylarydyr.

Ýaryşyň meýilnamasy we beýleki maglumatlary ýakyn günlerde ýetiriler.