Türkmenistanly türgenler 20-nji maýdan 25-nji maý aralygynda Özbegistanyň Jizzah şäherinde geçiriljek guşakly göreş boýunça Aziýanyň Çempionatyna gatnaşarlar.
Göreşiň birleşen dünýäsi birleşiginiň (UWW) howandarlygy astynda geçjek birinjiligine dünýäniň 20 ýurdundan, şol sanda Özbegistandan, Hindistandan, Eýrandan, Indoneziýadan, Ýaponiýadan, Gazagystandan, Gyrgyzystandan, Täjigistandan meşhur göreşçi-türgenleriň gelmegine garaşylýar.
Türgenler 57 kg, 62 kg, 68 kg, 75 kg, 82 kg, 90 kg, 100 kg we 100 kg-dan ýokary agram derejelerde öz ussatlyklaryny görkezerler. Öz gezeginde, zenanlar 52 kg, 58 kg, 66 kg, 76 kg çenli we 79 kg-dan ýokary agram derejelerinde ýeňiş üçin göreşerler.
Birinjilikde guşakly göreşiň iki görnüşi – gazak göreşi we alyş göreşi görkeziler.
