Türkmenistanyň Prezidentiniň Permany bilen «Kazyýet hakynda» Türkmenistanyň Kanunynyň 54-nji maddasyna laýyklykda, Arkadag şäheriniň kazyýetiniň başlygy we orunbasary, şeýle hem Berkararlyk etrap kazyýetiniň kazysy wezipä bellenildi.
«Türkmenistan» gazetiniň şu günki sanynda çap edilen Permanda şeýle diýilýär:
«Kazyýet hakynda» Türkmenistanyň Kanunynyň 54-nji maddasyna laýyklykda, karar edýärin:
Maksat Hojamyradowiç Herräýewi Arkadag şäheriniň kazyýetiniň başlygy wezipesine bellemeli;
Tuwakmämmet Gurbanseýidowiç Gurbanseýidowy Arkadag şäheriniň kazyýetiniň başlygynyň orunbasary wezipesine bellemeli;
Annajahan Gurbanmyradowna Orazowany Aşgabat şäheriniň Berkararlyk etrap kazyýetiniň kazysy wezipesine belläp, ony Arkadag şäheriniň kazyýetiniň administratiw we ýerine ýetiriş önümçiligi boýunça kazysy wezipesinden boşatmaly».