UEFA-nyň Konferensiýalar ligasynyň ýarym finalynyň ilkinji duşuşyklarynda Italiýanyň «Fiorentinasy» öz meýdanynda Şweýsariýanyň «Bazelinden» asgyn geldi, Angliýanyň «West Hemi» bolsa Niderlandlaryň «AZ Alkmaryny» ýeňdi.

Iki duşuşyk hem 2:1 hasabynda tamamlandy.

Jogap duşuşyklary 18-nji maýda Niderlandlarda we Şweýsariýada geçiriler. Konferensiýalar ligasynyň final duşuşygy 7-nji iýunda Praga şäherinde geçiriler.