Türkmenistanyň futbol çempionatynyň 5-nji tapgyrynyň çäginde «Köpetdag» «Aşgabat» stadionynda «Altyn asyry» kabul etdi. Aşgabat derbisi 1:1 hasabyndaky deňlik bilen tamamlandy.
«Köpetdag» birinji ýarymyň goşmaça wagtynda Ýazgylyç Gurbanowyň geçiren goly bilen öňe saýlandy. «Altyn asyra» utulyşdan diňe 75-nji minutda Myrat Annaýewiň dürs ýerine ýetiren 11 metrlik jerime urgusy bilen halas boldy.
Bu deňlikden soň «Köpetdag» Ýokary liganyň şu möwsüminde 10 utuk gazanan ilkinji topar boldy. 10-njy utuk «Köpetdagy» birinji basgançaga geçirdi. Toparyň bu basgançakda galyp-galmajakdygy «Arkadag» toparynyň şu gün geçirjek duşuşygyna bagly bolar.
Utugyny 8-e çykaran «Altyn asyr» bolsa üçünji basgançakda galdy.
