Aşgabat ― Türkmenabat ýokary tizlikli awtomobil ýolunyň ugrundaky känlerde 12 sany daş owradyjy zawod işleýär ― diýip, «Türkmenistan» gazeti habar berdi.

Olarda 4 sany täze rotor enjamynyň oturdylmagy önümçiligi has artdyrdy. Anyk aýdylanda, bir gije-gündizde 30 müň tonna çemesi önüm alynýar.

Awtobanyň Tejen — Mary hem-de Mary — Türkmenabat tapgyrlaryndaky gurluşykda jemi 10 sany asfalt zawody işledilýär. Germaniýanyň öňdebaryjy kompaniýalarynyň zawodlarynyň hersi bir gije-gündizde 3,5 müň tonna asfalt çykarýar.

Awtobanyň gurluşygynda 10 müňe golaý dürli hünärdäki adamlar zähmet çekýärler.

Hanhowuzdaky Jojuklydan tä Türkmenabadyň etegindäki Zerger şäherçesi aralykda 1 müň çemesi ýörite tehnikalaryň hereketi gije-gündiz togtanok. Gurluşygyň gidýän giňişliginde 3 müň çemesi ulag ýük çekýär.