3-nji maýda Türkiýede «Zigana» ötügi (tunneli) açylar, ol ýurduň iki ülkesini — Trabzony we Gümüşhaneni birleşdirer. Bu barada ýurduň ulag ministri Adil Karaismaýiloglu habar berdi diýip, «TurkicWorld» habarlar saýtyna salgylanýan «Trend» ýazýar.
Ministr öz beýanatynda ötügiň uzynlygynyň 14,5 kilometre ýetýändigini aýtdy. «Biz dünýäniň täze Ýüpek ýoluny gurýarys. Ötük Türkiýäni Günorta Kawkaz ýurtlary, Eýran we Ýakyn Gündogar bilen birleşdirer» diýip, Karaismaýiloglu nygtady.
Ýeri gelende aýtsak, ötügiň gurluşyk işleri Gümüşhanede 2016-njy ýylyň aprelinde badalga alypdy, Trabzon tarapda bolsa onuň gurluşygyna şol ýylyň awgustynda girişildi.
Täze «Zigana» ötügi ýangyjy hem-de wagty 58,1 million lira çenli tygşytlamaga hem-de howa taşlanýan zyýanly galyndylaryň möçberlerini 15 müň 779 tonna çenli azaltmaga mümkinçilik berer.
