Türkmenistanly suwda ýüzüji Aýnur Primowa Daşkent şäherinde geçirilýän suwda ýüzmek boýunça Özbegistanyň açyk çempionatynda 50 metr aralyga arkanlaýyn ýüzmekde kümüş medala mynasyp boldy. 16 ýaşly türgen gyz 50 metr aralygy 32,21 sekuntda geçdi.

Pellehana ilkinji bolup Özbegistanyň Suw sporty boýunça ýokary ussatlyk sport mekdebiniň wekili Ulýana Nazmutdinowa (30,88) geldi. Kümüş medal Özbegistanyň Nawoiý welaýatyna wekilçilik eden Alýona Wasilýewa (27,40) miýesser etdi

Mundan ozal Aýnur Primowanyň suwda ýüzmek boýunça Özbegistanyň açyk çempionatynda arkanlaýyn ýüzmekde 100 metr aralyga geçirilen bäsleşikde üçünji orny eýeländigini habar beripdik.