Türkmenistanyň Futbol federasiýasynyň Eminler bölümi 22-nji aprelde geçirilýän futbol boýunça Türkmenistanyň Kubok bäsleşiginiň deslapky tapgyrynyň birinji oýnunyň eminlerini belli etdi.
Türkmenistanyň Kubogy ugrundaky bäsleşigiň deslapky tapgyrynyň duşuşygy 22-nji aprelde geçirilip, onda “Arkadag” hem-de “Energetik” toparlary duşuşarlar. Bu toparlaryň arasyndaky jogap oýny 2-nji maýda geçiriler. Deslapky tapgyrdaky oýnuň ýeňijisi Kubok bäsleşiginiň çärýekfinalynda “Köpetdag” topary bilen duşuşar.
Ýeri gelende bellesek, Türkmenistanyň kubogy ugrundaky ýaryşyň nobatdakysynda Ýokary liga wekilçilik edýän toparlaryň 9-sy (“Arkadag”, “Altyn Asyr”, “Ahal”, “Aşgabat”, “Şagadam”, “Nebitçi”, “Merw”, “Energetik”, “Köpetdag”) gatnaşar.
Türkmenistanyň Kubok bäsleşiginiň deslapky tapgyrynyň duşuşygy:
22.04.2023 ý. (şenbe)
“Arkadag” – “Energetik”
Geçirilýän ýeri: “Nusaý” stadiony (Aşgabat ş.)
Başlanýan wagty: 17:00
Duşuşygyň emini: B.Haknazarow (Aşgabat ş.)
Kömekçi eminler: M.Allaberdiýew (Aşgabat ş.), I.Kurambaýew (Daşoguz ş.)
Ätiýaçdaky emin: M.Nurberdiýew (Aşgabat ş.)
Gözegçi emin: H.Rejepow (Aşgabat ş.)
