“Köpetdag” – “Şagadam” – 2:1
Gollar: 25 Ýazgylyç Gurbanow, 80 (11 m.j.u.) Şiri Annaýew – 66 Baýram Ataýew.
Duýduryşlar: 28 Farhat Italmazow, 51 Ýunus Orazmämmedow, 67 Baýram Ataýew, 90+3 Salim Umarow.
“Altyn Asyr” – “Nebitçi” – 0:0
“Merw” – “Aşgabat” – 0:1
Gol: 49 (11 m.j.u.) Söhbet Allanurow.
“Ahal” – “Energetik” – 1:0
Gol: 80 Muhammet Esenow.
14-nji we 15-nji aprelde Türkmenistanyň futbol çempionatynyň 31-nji möwsümine badalga berildi. 1-nji tapgyryň duşuşyklaryndan soň käbir öňe çykan aýratynlyklar bilen tanyşdyrýarys:
― Tapgyryň duşuşyklarynda «Köpetdag» ― «Şagadamy» 2:1, «Aşgabat» myhmançylykda «Merwi» we «Ahal» öz meýdanynda «Energetigi» 1:0 hasabynda ýeňdi. «Altyn asyr» bilen «Nebitçi» bolsa Büzmeýin etrabynda geçirilen duşuşygy 0:0 hasabyndaky deňlik bilen tamamlady.
― 1-nji tapgyrdan soň «Köpetdagda», «Aşgabatda» we «Ahalda» 3, «Altyn asyr» bilen «Nebitçide» 1 utukdan bar. «Şagadam», «Merw» we «Energetik» toparlaryna 1-nji tapgyrda utuk gazanmak başartmady.
― «Köpetdagyň» futbolçysy Ýazgylyç Gurbanow Türkmenistanyň çempionatynyň täze möwsüminde tapawutlanan ilkinji futbolçy boldy. 1-nji tapgyrdaky dört duşuşykda jemi 5 futbolçy tapawutlandy.
― «Köpetdagyň» başga bir wekili Şiri Annaýew täze möwsümde 11 metrlik jerime urgusyndan dürs peýdalanan ilkinji futbolçy hökmünde hasaba alyndy. Tapgyrdaky 5 goluň 2-si 11 metrlik jerimelerden geçirildi.
― «Ahalyň» 18 ýaşly futbolçysy Muhammet Esenow 1-nji tapgyrda Ýokary ligadaky ilkinji goluny geçirdi.
― Täze möwsümde «Köpetdag» öz meýdanynda ýeňiş gazanan, «Aşgabat» myhmançylykda ýeňiş gazanan, «Merw» öz meýdanynda utulan, «Şagadam» myhmançylykda utulan ilkinji toparlar boldular.
― 1-nji tapgyrda «Şagadam» bilen «Aşgabadyň» futbolçylaryna 4 sary kartdan görkezildi.
― Şu tapgyrda Söhbet Allanurow «Aşgabadyň» düzüminde Ýokary ligadaky ilkinji goluny geçirdi.
― «Köpetdagyň» hüjümçisi Ýazgylyç Gurbanow topar bilen Ýokary ligada iň kän tapawutlanan futbolçylaryň sanawynda ikinji orna geçdi. Futbolçy topar bilen çempionatda 22 gol geçirdi. Birinji orunda 26 golly Begenç Akmämmedow bar.
