Türkmenistanyň Oba hojalygy we daşky gurşawy goramak ministrligi Berliniň Tebigat ylymlary muzeýi bilen özara düşünişmek Ähtnamasyna gol çekdi. Bu barada Türkmeniň Germaniýadaky ilçihanasy tarapyndan habar berildi.
Diplomatik ýollar arkaly geçirilen gol çekişme Türkmenistanda bilelikdäki gözleg taslamalaryny, şol sanda meýdan we gözleg ekspedisiýalaryny işläp taýýarlamaga mümkinçilik döredýär diýlip, habarda bellenilýär.
Belläp geçsek, Leýbniz adyndaky Ewolýusiýa we biodürlülik institutynyň toparyna degişli bolan Tebigat ylymlary muzeýi 1810-njy ýylda gaýtadan açyldy. Onda 30 milliondan gowrak zoologik, paleontologik we mineralogik eksponatlar ýerleşýär.