Girmek
Kazan dikuçar zawody lukmançylyk maksatly iki sany dikuçary Türkmenistana ibermegi meýilleşdirýär. TASS-yň habaryna görä, bu barada žurnalistlere Tatarystanyň premýer-ministriniň orunbasary — Senagat we söwda ministri Oleg Korobçenko mälim etdi.
Korobçenkonyň sözlerine görä, Kazan dikuçar zawody häzirki wagtda Türkmenistana Mi-8 we «ANSAT» lukmançylyk maksatly iki sany dikuçary eltmek barada gepleşik geçirýär.
Penşenbe güni Aşgabatda Türkmen-tatarystan işewürlik forumynyň geçirilendigini ýatladýarys. Oňa söwda we ykdysady, ylmy, tehniki, medeni-ynsanperwerlik hyzmatdaşlyk boýunça Türkmen-tatarystan wekilýetiniň wekilleri gatnaşdy.
Çeşme 2009-njy ýyldan 2021-nji ýyla çenli döwürde Kazan dikuçar zawodynyň Türkmenistana 13 sany dikuçar iberendigini belleýär.