Russiýa Federasiýasynyň futbol boýunça milli ýygyndysy Türkmenistanyň milli ýygyndysy bilen bir bäsleşikde çykyş eder. Has takygy, Russiýanyň milli ýygyndysynyň şu ýylyň 9-21-nji iýun günleri geçiriljek Merkezi Aziýanyň Futbol Assosiasiýasynyň (CAFA) ýaryşyna gatnaşmagyna garaşylýar. Bu barada Täjigistanyň Futbol Federasiýasynyň metbugat gullugy habar berýär.
Çeşmede bellenilişi ýaly, CAFA — 2023 ýaryşyna Merkezi Aziýanyň Futbol Assosiasiýasyna agza bolan döwletleriň ählisiniň: Türkmenistanyň, Täjigistanyň, Özbegistanyň, Gyrgyzystanyň, Eýranyň hem-de Owganystanyň milli ýygyndylary hem gatnaşar. Ýaryş gatnaşjak ýene bir ýygyndynyň ady bolsa ýakyn wagtda mälim ediler.
Ýaryşda 8 topar 2 toparça bölünip özara güýç synanyşar. Her toparçada birinji orny eýelän ýygyndylar finalda çempionlyk üçin, toparçada ikinji orny eýelän ýygyndylar bolsa üçünji orun üçin özara oýun geçirerler.
