Türkmenistanyň ýetginjekler ýygyndysynyň yklym birinjiliginde geçirjek oýunlarynyň wagty belli boldy

14:2810.03.2023
0
25750

Şaýbaly hokkeý boýunça halkara federasiýasy 2023-nji ýylda geçiriljek ýetginjekleriň arasyndaky (U-18) Aziýanyň we Ýuwaş ummany sebitiniň çempionatynyň oýunlarynyň senelerini we başlanýan wagtyny mälim etdi. Ýaryş 11-nji martdan 17-nji marta çenli Mongoliýanyň paýtagty Ulan-Bator şäherinde geçiriler.

Bäsleşikde çempionlayk üçin 6 topar bäsleşip, olar Türkmenistanyň, Özbegistanyň, Taýlandyň. BAE-niň, Mongoliýanyň hem-de Eýrayň ýygydny toparlarydyr.

Türkmenistanyň ýetginjekler ýygyndysy ilkinji oýnuny 11-nji martda Özbegistana garşy geçirer. 12-nji martda Guwançyrat Jepbarowyň şägirtleri Taýlandyň ýetginjekler ýygyndysy bilen, 14-nj martda BAE-niň ýetginjekler ýygyndysy bilen, 15-nji martda bolsa ýer eýesi Mongoliýa bilen güýç synanyşarlar. Türkmenistanly ýetginjekler ýaryşdaky soňky duşuşyklarynda 17-nji martda eýranly deň-duşlaryna garşy buz meýdança çykarlar.

Ýaryşyň ähli oýunlary Ulan-Bator şäherindäki «Sähra» arenasynda geçiriler. Bu arena 2021-nji ýylda ulanylmaga berlen bolup, ol Halkara olimpiýa kimitetiniň talaplayna laýy gelýär hem-de halkara ýaryşlary, şeýle-de yklym birinjilikleri geçirmäge müminçilik berýär. Ol 2600 tomaşaça niýetlenendir.

Ýaryşyň ähli oýunlarynyň geçiş tertibi bilen Şaýbaly hokkeý boýunça halkara federasiýasynyň reesmi saýtynda tanşyp bilersiňiz:

Türkmenistanyň ýetginjekler ýygyndysynyň geçirjek oýunlary:

Özbegistan — Türkmenistan (11 mart, aşgabat wagty bilen sagat 14:00);

Taýland — Türkmenistan (12 mart, aşgabat wagty bilen sagat 10:30);

BAE — Türkmenistan (14 mart, aşgabat wagty bilen sagat 14:00);

Türkmenistan — Mongoliýa (15 mart, aşgabat wagty bilen sagat 17:30);

Türkmenistan — Eýran (17 mart, aşgabat wagty bilen sagat 10:30).

Teswirler
Teswir ýazmak üçin içeri giriň ýa-da registrasiýa boluň