Garyşyk söweş boýunça türkmenistanly pälwan Döwletjan Ýagşymyradow meşhur türk aşpezi Nusret Gökjäniň Maýamidäki restoranynda myhman boldy. Bu barada Ýagşymyradow jemgyýetçilik torlaryndaky sahypasyndan habar berdi.
Döwletjanyň ýakyn günlerde türgenleşik lagerindäki taýýarlygyny tamamlandygyny habar beripdik. Ol 10-njy mart güni Bellator 292-niň çäginde litwaly Julius Englikas bilen tutluşyk geçirer.
Nusret Gökje ― Türkiýäniň iň meşhur aşpezleriniň biri. Ol 2017-nji ýyldan bäri has meşhurdyr. Häzir onuň Türkiýede we Katarda bir, BAE-de iki, ABŞ-da hem iki restorany bar.
