«Milanyň» baş tälimçisi Stefano Pioli geçen möwsümiň netijeleri boýunça Panchina d’Oro baýragyna mynasyp boldy, diýip «Matç TW» ýazýar.

Bu baýrak ýörite ses berlişigiň esasynda her ýyl ýurduň iň gowy tälimçisine berilýär.

Bu baýraga Pioliden başga «Napoliniň» baş tälimçisi Luçano Spalletti bilen «Salernitananyň» ozalky tälimçisi Dawid Nikola hem dalaşgär görkezilipdi.

«Milanyň» geçen möwsümde Pioliniň ýolbaşçylygynda 11 ýyllyk arakesmeden soň Italiýanyň çempiony bolandygyny ýatladýarys.