Täjigistanyň futbol boýunça milli ýygyndysy Birleşen Arap Emirlikleriniň we Kuweýtiň ýygyndylary bilen ýoldaşlyk duşuşyklaryny geçirer.

Ýurduň Futbol federasiýasynyň resmi saýtynyň habar berşi ýaly, 25-nji mart güni Dubaý şäherinde BAE-niň, 28-nji martda bolsa El-Kuweýt şäherinde Kuweýtiň ýygyndysy bilen ýoldaşlyk duşuşyklary geçiriler. Duşuşyklaryň geçiriljek stadionlary barada biraz soňrak maglumat berler.

Täjigistanyň futbol boýunça milli ýygyndysynyň 2024-nji ýylyň ýanwar aýynda Katarda geçiriljek Aziýanyň kubogyna gatnaşmaga hukuk gazanandygyny ýatladýarys.