Angliýanyň «Çelsi» toparynyň täze oýunçysy Mihail Mudrik özüniň APL-daky debýutynda özboluşly rekord goýdy. Has takygy ol, «Liwerpul» bilen myhmançylykda geçirilen oýunda 36,63 km/s tizlik bilen ylgap, ýyndamlyk boýunça APL-yň şu möwsümindäki iň ýokary netijäni görkezdi. Mudrikiň ikinji ýarymda ätiýaçdan meýdança çykan şol oýny 0:0 hasabynda deňlikde tamamlandy.

APL-yň şu möwsümindäki iň ýyndam bäş oýunçy:

1. Mudrik («Çelsi») — 36,63 km/s;
2. Entoni Gordon («Ewerton») — 36,61 km/s;
3. Darwin Nunýes («Liwerpul») — 36,53 km/s;
4. Erling Holand («Mançester Siti») — 36,22 km/s;
5. Denis Zakariýa («Çelsi») — 36,09 km/s.

Ýeri gelende bellesek, «Çelsi» Mihail Mudriki gyşky transfer möwsüminde düzümine goşdy. «Aristokratlar» Mudrikiň transferi üçin onuň ozalky topary «Şahtýora» goşmaça tölegler bilen bilelikde 100 million ýewro tölemäge razy boldular.