Aşgabadyň Olimpiýa şäherjiginde 9-njy dekabrda sagat 9:00-da Halkara Bitaraplyk güni mynasybetli guralýan ýaryşlara badalga berler. Bu barada Aşgabat şäher häkimliginiň resmi saýty habar berdi.
Köpugurly sport toplumynyň meýdançalarynda we tennis kortlarynda tennisçi türgenleriň, woleýbolçylaryň (6х6) hem-de futbol toparlarynyň (5х5) arasynda duşuşyklar geçiriler. Ýaryşlaryň çäklerinde küştçüler hem özara güýç synanyşarlar.
Ähli ýaryşlaryň birinji tapgyry sagat 10:00-dan 13:00-a çenli geçiriler, gysga arakesmeden soň bolsa ýaryşlar dowam eder.
Şol günde hem ýeňijileri sylaglamak dabarasy geçiriler.
