Möwsümiň ahyrynda köp gol geçirip, ýene-de adyny dillere dolduryp başlan «Altyn asyryň» hüjümçisi Altymyrat Annadurdyýew Ýokary ligada 2012-nji ýyldan bäri iň kän pökgi geçiren futbolçylaryň ilkinji üçlügine girmegi başardy.

25-nji tapgyrda «Köpetdagyň» derwezesinden bir pökgi geçiren Altymyrat soňky 11 möwsümdäki gollarynyň sanyny 129-a çykardy. Şeýlelikde, ol ýokarda görkezilen möwsümden bäri çempionatda iň kän tapawutlanan futbolçylaryň ilkinji üçlügine girdi. Ýöne Altymyrat häzir üçünji orny topardaşy Myrat Ýagşyýew bilen paýlaşýar.

Başynda 142 gol bilen Süleýman Muhadow duran sanawyň ikinji ornunda ondan 10 goly az geçiren Didar Durdyýew bar.