19-njy noýabrda ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň 11-nji tapgyrynyň duşuşyklary geçirildi.
Bu tapgyryň çäginde ýaryş tertibiniň öňbaşçysy “Altyn Asyr” toparynyň ýaşlar düzümi myhmançylykda “Köpetdag II” topary bilen duşuşdy. Bu duşuşyk 0:0 hasabynda deňlikde tamamlandy. Geçirilen bu duşuşykdan soň “Altyn Asyr II” topary 31 utuk toplady.
Ýaryş tertibinde ikinji orny eýeleýän “Ahal II” topary myhmançylykda “Şagadamyň” ýaşlar düzümini 3:2 hasabynda ýeňlişe sezewar etdi. Gazanan bu ýeňşinden soň “Ahal II” topary 24 utuk toplady. 14 utugy bolan “Şagadam II” topary eýeleýän üçünji ornunda galdy.
Tapgyryň ýene-de bir duşuşygynda “Merw II” topary “Nebitçiniň” ýaşlar düzüminden 1:0 hasabynda üstün çykdy.
Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň 12-nji tapgyrynyň duşuşyklary 27-nji noýabrda geçiriler: “Energetik-II” – “Şagadam-II”, “Altyn Asyr-II” – “Merw-II”, “Nebitçi-II” – “Aşgabat-II”, “Ahal-II” – “Köpetdag-II”.
11-nji tapgyryň duşuşyklary:
“Merw II” – “Nebitçi II” – 1:0
“Köpetdag” – “Altyn Asyr II” – 0:0
“Şagadam II” – “Ahal II” – 2:3
Çempionatyň tablisasy:
| T/b | Toparlar | O | Ý | D | U | T | U |
| 1. | «Altyn Asyr II» | 11 | 10 | 1 | 0 | 32-6 | 31 |
| 2. | «Ahal II» | 10 | 8 | 0 | 2 | 34-10 | 24 |
| 3. | «Şagadam II» | 9 | 4 | 2 | 3 | 21-20 | 14 |
| 4. | «Aşgabat II» | 10 | 3 | 3 | 4 | 10-10 | 12 |
| 5. | «Köpetdag II» | 11 | 3 | 3 | 5 | 14-11 | 12 |
| 6. | «Merw II» | 10 | 3 | 2 | 5 | 6-15 | 11 |
| 7. | «Nebitçi II» | 10 | 2 | 2 | 6 | 17-28 | 8 |
| 8. | «Energetik II» | 9 | 0 | 1 | 8 | 5-39 | 1 |
