Ýewropanyň Täzeleniş we Ösüş Banky «Dolandyryş konsultasiýasynyň esaslary» okuw kursuna gatnaşmaga çagyrýar.
Okuw sapaklary 5–9-njy we 13-16-njy dekabr aralygynda Google Meet platformasy arkaly onlaýn görnüşde geçiriler.
Amaly gurallar toplumyny özünde jemlän interaktiw okuw sapaklary oňa gatnaşyjylara okuwyň dowamynda islegli müşderiler üçin hakyky taslamany işläp taýýarlamaga hem-de hödürlemäge mümkinçilik berýär.
Mundan başga-da, okuw kursunyň çäginde oňa gatnaşyjylar hünär derejesini ýokarlandyrmak üçin aýratyn meýilnama taýýarlarlar.
Okuw sapaklaryny ÝT we ÖB tarapyndan çagyrylan, tejribeli hünärmen we sertifikatly dolandyryş geňeşçisi hökmünde tanalýan Naira Markarýan geçirer.
Bu okuw sapaklarynda şu aşakdakylar göz öňüne tutulan:
- Maslahat beriş taslamasynyň doly möhletini öwrenmek;
- Netijeli maslahat bermegiň esaslaryna düşünmek;
- Maslahat bermegiň esasy usullaryny we gurallaryny ulanmagy öwrenmek;
- Müşderiniň güýçli we gowşak taraplaryny kesgitlemek üçin anyklaýyş we seljeriş ukyplaryny ösdürmek;
- Müşderiler bilen aragatnaşyk endiklerini ýokarlandyrmak;
- Maslahat bermekde etikany we hünärmen talaplaryny ýerine ýetirmegiň zerurlygyna düşünmek;
- Maslahatçylaryň ösmegi üçin hünär şahadatnamasynyň we hünär birleşikleriniň agzalygynyň ähmiýetine düşünmek;
- Okuwyň dowamynda öwrenen ukyp-başarnyklaryňy hakyky müşderiler bilen iş salyşmak arkaly berkitmek;
- Öz başarnyklaryň ösüş derejesine baha bermek we maslahat bermekde üstünlik gazanmak üçin haýsy başarnyklary ösdürmelidigiňi anyklamak.
Okuwa gatnaşyjylar bäsdeşlik esasynda saýlanylar. Bäsleşige gatnaşmak üçin bellenilen görnüşde doldurylan sowalnamany 25-nji noýabrdan gijä galman ovezovat@ebrd.com elektron salgysyna ibermeli. Okuw sapagy rus dilinde geçiriler.
Has giňişleýin maglumaty şu ýerden tapyp bilersiňiz.
