Amerikanyň Birleşen Ştatlarynyň we Türkmenistanyň Hökümetleriniň arasynda saglygy goraýyş we lukmançylyk ylymlary ulgamynda hyzmatdaşlyk etmek babatda özara düşünişmek hakynda Ähtnama gol çekildi.
Bu resminama türkmen tarapyndan saglygy goraýyş we derman senagaty ministri Atageldi Germanow, ABŞ tarapyndan Döwlet sekretarynyň Günorta we Merkezi Aziýa döwletleri boýunça kömekçisi Donald Lu gol çekdi.
Ähtnama iki döwletiň Hökümetiň arasynda saglygy goraýyş hyzmatlary, şol sanda adatdan daşary keselleriň ýaýramagynyň öňüni almak, öňüni alyş we kliniki saglygy goraýyş, saglygy goraýyş pudagynda sanly çözgütleri durmuşa geçirmek hem-de ýokanç we ýokanç däl keselleriň öňüni almak we olara gözegçilik ýaly ugurlar boýunça hyzmatdaşlygy üpjün edýär.
Taraplar özara maslahatlary geçirmek, hünärmenleriň we maglumat alyş-çalyşlaryny guramak, bilelikdäki taslamalara, simpoziumlara we konferensiýalara gatnaşmak, makalalary çap etmek we özara gyzyklanma bildirilýän ugurlarda hyzmatdaşlygyň beýleki ugurlary ýaly işlerde hyzmatdaşlygy güýçlendirmegi maksat edinýärler.
Mundan başga-da, bu Ähtnama lukmançylyk bilim edaralary, lukmançylyk edaralary we iki ýurduň saglyk ulgamlary bilen baglanyşykly beýleki jemgyýetçilik guramalarynyň arasynda göni aragatnaşyk saklamaga kömek eder.
