Kataloniýanyň «Barselona» klubynyň goragçysy Žerard Pike öz karýerasyny tamamlajakdygyny mälim etdi. Ol bu barada öz interwýusynda belledi.
Siz («Barselonanyň» janköýerleri — turkmenportal) maňa ähli zady berdiňiz we indi şol çagajygyň arzuwlary amala aşdy. Size aýtjak bolýanym, bu ýoly tamamlamagyň wagty geldi. Men hemişe «Barselonadan» soňra başga toparyň düzüminde oýnamaryn diýýärdim. Bu dogrudanam şeýle, şenbe güni «Kamp Nou-da» boljak duşuşyk karýeramdaky soňkusy bolar» diýip, Pike karýerasyny tamamlamak baradaky pikirlerini paýlaşdy.
Sport neşirlerinde berilýän soňky maglumatlara görä, Pike «Barselona» bilen şertnamasynyň wagtyndan öň bes edilmegi bilen baglylykda toparyň tölemeli öwez tölegini almakdan hem ýüz öwürýär.
