Türkmenistanyň futbol çempionatynyň 11-nji tapgyrynda Türkmenbaşy şäherinde geçirilen duşuşykda ýerli «Şagadam» «Ahal» futbol toparyny kabul etdi.

1:1 hasabyndaky deňlik bilen tamamlanan duşuşykda «Şagadamyň» goluny 32-nji minutda Salim Umarow, «Ahalyňkyny» 48-nji minutda Resul Hojaýew geçirdi.

Şeýlelikde, «Ahal» 2-nji tapgyrdan soň ilkinji gezek utuk ýitirdi. Utugyny 15-e çykaran «Şagadam» bolsa dördünji orundaky «Köpetdag» bilen aralygy 3 utuga çenli ýygyrdy.