«Abdyş Atanyň» türkmenistanly derwezeçisi Rahat Japarow futbol boýunça Gyrgyzystanyň çempionatynyň 17-nji tapgyrynyň çäklerinde «Neftçi» bilen bolan oýnuň iň gowy oýunçysy diýlip ykrar edildi. Şenbe güni Koçkor-Atada geçirilen duşuşyk 2:1 hasabynda «Abdyş Atanyň» ýeňşi bilen tamamlandy.

Şeýlelikde gazanylan nobatdaky ýeňişde soňra 41 utuk toplan «Abdyş Ata» Gyrgyzystanyň premýer-ligasynyň turnir tablisasynda kerwenbaşylygyny dowam edýär. Ikinji ýerdäki «Alaýyň» hasabynda bolsa 31 utuk bar.

Maglumat üçin, Japarow 2022-nji ýylyň ýanwar aýynda «Abdyş Atanyň» düzümine goşulypdy.