Angliýanyň 19 ýaşa çenli ýaşlar ýygyndysy Ýewropanyň çempiony boldy. Düýn oýnalan final duşuşygynda ysraýylly deň-duşlary bilen güýç synanyşan Ümürli albionyň wekilleri 3-1 hasabynda ýeňiş gazandylar. Oýnuň esasy wagty 1-1 hasabynda tamamlandy, goşmaça wagtda urlan iki gol bolsa iňlisleriň şu ýaş derejesinde 12-nji gezek Ýewropanyň çempiony bolmagyna şert döretdi. Angliýa çempionlyk getiren gollary Doýl (52 min.), Çukwuemeka (108 min.) we Remzi (116 min.) öz atlaryna ýazdyrdylar. Ysraýylyň ýeke-täk goluna bolsa Gluh (40 min.) awtorlyk etdi.
Ýeri gelende, Angliýanyň bu üstünlik arkaly degişli ýaş derejesinde Ýewropada iň köp çempion bolan ýurda öwrülendigini bellemek gerek.
