Girmek
Çarşenbe güni Eýranyň günorta sebitinde 5,2 magnitudaly ýertitreme bolup geçdi. Bu babatda day.az neşiriniň habar berşi ýaly, bu ýertitremede seýsmiki sarsgynyň merkezi Hormozgan welaýatyndaky Çarak portunyň golaýyna düşüpdir. Ýertitremäniň çeşmesi 8 kilometr çuňlukda ýerleşýär diýlip bellenilýär.
Neşiriň berýän maglumatlaryna laýyklykda, ýertitremäniň bolan sagatlarynda bu ýerde seýsmologlar tarapyndan magnitudasy 4,0 derejeden ýokary bolan dört sany sarsgyn hasaba alnypdyr. Hadysanyň ýetiren zyýanlary barada hiç hili maglumat berilmeýär.