MIR24 saýtynyň habaryna görä, ITA Airways italýan awiakompaniýasynyň uçarmanlary çynlakaý hünär ýalňyşlygyna ýol berdiler. Ýagny Airways Magazine neşiriniň ýazmagyna görä, Nýu-Ýork — Rim aralygyna uçuş wagty uçaryň komandiri we ikinji uçarman Fransiýanyň üstünden barylýarka uklady.
Marsel şäheriniň dispetçerleri uçaryň ekipažy bilen her näçe aragatnaşyga çykjak bolsalar-da, başartmandyr. Ýerli häkimiýetler ýagdaýy anyklamak üçin tas asmana iki sany harby uçary uçuran ekenler.
Emma ähli zat şowly tamamlandy: ekipažyň agzalary ukudaka, uçuş awtouçarmanda dolandyrylypdyr. Uçar sag-aman ýere gonupdyr, howa gämisiniň komandiri-de howpsuzlyk düzgünlerini bozandygy üçin işden boşadylypdyr.
