Her ýylyň 3-nji iýunyndan bellenilýän Bütindünýä welosiped gününe bagyşlanan köpçülikleýin welosipedli ýöriş Türkmenistanyň Russiýadaky ilçihanasy tarapyndan guraldy.

Welosipedli ýöriş Moskwanyň iň bir gözel künjekleriniň biri bolan Maksim Gorkiniň adyny göterýän merkezi medeniýet we dynç alyş seýilgähinde geçirildi.

Türkmenistanyň Russiýadaky ilçihanasynyň metbugat gullugynyň habar bermegine görä, welosipedli ýörişe Moskwanyň ýokary okuw mekdeplerinde okaýan türkmen talyplary, ilçihananyň wekilleri we beýleki adamlar gatnaşdylar.