«Ak ulag» ulag-logistika kärhanasy telekeçilere we paýlaýjylara awtoulaglar, demir ýol ulaglary, howa ulaglary hem-de deňiz ulaglary bilen Ýakyn Gündogaryň, Ýewropanyň, Aziýanyň we Günorta Amerikanyň ýurtlaryndan ýükleri daşamagyň bitewi toplumyndan peýdalanmagy hödürleýär.
Kärhananyň bu ugurda alyp barýan işinde gatnaw ugurlary dürli ýüze çykyp biljek töwekgelçilikleri, wagty tygşytlamagy we beýleki aýratynlyklary nazarda tutulyp gurnalandyr. Daşalýan ýükler olaryň möhletine laýyklykda wagtynda hem-de öz anyk eltilmeli salgysyna ýetirilýär.
Kärhana ýükleriň islendik görnüşiniň, şol sanda göwrümi kadaly bolmadyk ýa-da daşamasy howply bolan ýükleriň hem daşalmagyny üpjün edýär. Ýük awtoulaglarynda ýerleşdirilen GPS we GLONASS ulgamlary ýüküň daşalýan mahaly ulagyň nireden barýandygyny yzarlamaga we zerur bolanda onuň ugruny üýtgetmäge ýardam edýär.
«Ak ulag» kärhanasy «Ýygyndy ýük» hyzmatyny-da ýerine ýetirýär. Oňa laýyklykda, göwrümi uly bolmadyk özbaşdak sargytçylaryň ýükleri bir umumy konteýnere ýüklenilýär. Bu bolsa birnäçe müşderiniň arasynda daşamak üçin tölegiň aýry-aýry bolmagyna laýyklykda, harytlaryň uly bolmadyk tapgyrlaryny ibermekde tygşytlylygy döredýär.
Bulardan başga hem «Ak ulag» kärhanasy Ýewropa Bileleşiginiň we GDA-nyň ýurtlary üçin islendik ygtyýarnamalary hem-de şahadatnamalary resmileşdirmek hyzmatyndan, şeýle hem ammar ýerlerini kärendesine almakdan peýdalanmaga çagyrýar.
Kärhana Türkmenistanyň ulag-logistika ulgamynda eýýäm 8 ýyl bäri iş alyp barýar. Bu döwürde kärhana dünýäniň 40-dan gowrak ýurdundan 56 sany kompaniýa bilen hyzmatdaşlyk edip geldi.
