Türkmenistanyň döwlet radioýaýlymlaryny diňlemäge mümkinçilik berýän «Türkmen Radio» ykjam goşundysy AppStore internet dükanynda ýükläp almak üçin elýeterli boldy.
Ykjam goşundyny işletmek bilen, ulanyjy «Owaz», «Watan», «Çar tarapdan» hem-de «Miras» radioýaýlymlaryny onlaýn diňläp biler.
iOS operasion ulgam üçin niýetlenen bu programma radioýaýlymyň efirini ýokary durulykda diňlemäge ýardam edýär.
Internet dükanynda goşundy ulanyjylara tölegsiz ýetirilip, ony iOS 12.0 hem-de ondan ýokary bolan smartfon täzelenmelerinde diňläp bolýar. Radioýaýlymlara birikmek üçin goşunda girmek arkaly internete birikmek gerekdir (EDGE, 3G, LTE hem-de Wi-Fi).
Bu babatda ozal hem ykjam goşundynyň Android operasion ulgamly smartfonlar üçin ýetirilendigini habar beripdik.
