Hytaýyň alymlar topary kömürturşy gazyny şekeriň görnüşi bolan glýukoza öwürmegi başarýan ulgamy işläp taýýarladylar. Bu barada ferra.ru saýty habar berýär. Täze özgertme iki tapgyrdan ybarat bolan tehnologiýa eýedir.Birinji tapgyrda elektroliz mahalynda kömürturşy gazyndan sirke alynýar. Soňra bolsa glýukoza we beýleki çylşyrymly organiki birleşmeler döredilýär.
Bellenilişine laýyklykda, alymlar ahyrky oňyn netijäni almak üçin genetik modifisirlenen Saccharomyces cerevisiae gribogyndan peýdalanypdyrlar. Alymlaryň pikiriçe, täze tehnologiýa aýlawly ykdysadyýeti durmuşa geçirmäge giňden ýardam berer.
