S.A.Nyýazow adyndaky Türkmen oba hojalyk uniwersiteti 2022 — 2023-nji okuw ýylynda bu ýokary okuw mekdebine okuwa girmäge isleg bildirýän ýaşlary 2022-nji ýylyň 26-njy martynda, 16-njy aprelinde we 14-nji maýynda geçiriljek «Açyk gapylar» günlerine çagyrýar.

«Mugallymlar gazeti» gazetiniň habar bermegine görä, «Açyk gapylar» günlerinde ýaşlar ýokary okuw mekdebi bilen tanyşdyrylar, olara uniwersitete girmek üçin talap edilýän resminamalar, okuw mekdebinde okadylýan hünärler, alnyp barylýan okuw-terbiýeçilik hem-de medeni-köpçülik işleri barada giňişleýin maglumatlar berler.

«Açyk gapylar» günleri şu aşakda görkezilen salgylarda geçiriler:

Aşgabat şäheriniň, Ahal we Balkan welaýatlarynyň ýaşlary üçin S.A.Nyýazow adyndaky Türkmen oba hojalyk uniwersitetinde geçiriler. Salgysy: Aşgabat ş., 2009 (Görogly) köçesiniň 143-nji jaýy. Telefon belgiler: 34-07-77; 34-25-64; 34-27-09.

Daşoguz welaýatynyň ýaşlary üçin Daşoguz şäherindäki Türkmen oba hojalyk institutynda geçiriler. Salgysy: Daşoguz ş., Ruhnama köçesiniň 94-nji jaýy. Telefon belgileri: 800322-9-33-92; 800322-9-40-68.

Lebap welaýatynyň ýaşlary üçin Türkmenabat agrosenagat orta hünär okuw mekdebinde geçiriler. Salgysy: Türkmenabat ş., Zelili köçesiniň 1-nji «A» jaýy. Telefon belgileri: 800422-9-89-56; 800422-9-87-71; 800422-9-88-12.

Mary welaýatynyň ýaşlary üçin Baýramaly agrosenagat orta hünär okuw mekdebinde geçiriler. Salgysy: Baýramaly ş., Talyplar köçesiniň 1-nji jaýy. Telefon belgileri: 800564-6-00-83; 800564-6-07-84; 800522-6-30-82.