Girmek
Russiýa Federasiýasynyň halk artisti Leonid Kurawlýow 86 ýaşynda agyr keselden aradan çykdy. Bu barada düýn ýurduň Kinematografiýaçylar birleşiginde habar berdiler diýip, ýerli neşirler ýazýar.
Rowaýaty rus aktýorynyň iň meşhur kino keşpleriniň arasynda «Şeýle ýigit bar» (1964, režissýor Wasiliý Şukşin) filminde sürüji Pawel Kolokolnikow, «Iwan Wasilýewiç kärini üýtgedýär» (1973, režissýor Leonid Gaýdaý) filminde Žorž Miloslawskiý ýaly gahrymanlar bar. Kurawlýowyň tomaşaçylaryň, şol sanda türkmen tomaşaçylarynyň arasynda iň meşhur keşbi «Afonýa» (1975, režissýor Georgiý Daneliýa) atly filmdäki santehnik Afanasiý Borşowdyr.