Tapgyryň umumy aýratynlyklary:
26 golçy: Möwsümde tapawutlanan futbolçylaryň sany 26-a ýetdi.
14 gol: Tapgyrda derwezelere 14 gol girizildi. Bu, häzirlikçe, möwsümiň rekordydyr.
Möwsümde 39 gol: Möwsümde geçirilen gollaryň sany 39-a ýetdi.
«Ahal» – «Energetik» – 3:1
Gollar: 25 Resul Hojaýew, 51 Ilýa Tamurkin, 78 Pirmyrat Sultanow ― 53 Orazmuhammet Işangulyýew.
«Ahal» 10 utukly ilkinji topar: Bu ýeňişden soň utugyny 10-a tegelän «Ahal» şu möwsümde bu sepgide ýeten ilkinji topar boldy.
Tagaýew ― ilkinji şowsuz: Elman Tagaýew şu möwsümde 11 metrlik jerime urgusyny dürs ýerine ýetirip bilmedik ilkinji futbolçy boldy.
Bassyr üç tapgyr bäri: «Ahal» bassyr üç tapgyr bäri ýeňiş gazanyp gelýär.
«Şagadam» – «Altyn Asyr» – 4:2
Gollar: 8, 79 Nazar Towakelow, 42 Murat Ýakşiýew, öz derwezesine, 90+3 Röwşen Begjanow – 26 Merdan Muhadow, 32 Röwşengeldi Halmämmedow
Ah, şu awtogol!: «Altyn asyr» eýýäm iki tapgyrdan bäri derwezesine öz oýunçylarynyň gol geçirmesinden kösenýär.
Begjanowyň ilkinji goly: Röwşen Begjanow Ýokary ligadaky ilkinji pökgüsini geçirdi.
Ýene 4:2: «Şagadam» şu möwsümde öz meýdanynda geçiren duşuşyklarynyň ikisinde-de şol bir hasap bilen ýeňiş gazandy.
«Köpetdag» – «Nebitçi» – 0:0
«Köpetdag» üç duşuşykdan bäri ýeňlenok: Aslynda, topar şu möwsümde ýeke gezek hem ýeňilmedi.
«Aşgabat» – «Merw» – 3:1
Gollar: 12 Döwran Hojamämmedow, 28 Şatlyk Gurbanow, 90 Toýmämmet Sähetmämmedow («Aşgabat») – 9 (11 m.j.u.) Begenç Allamow («Merw»)
Gurbanowyň 10-njy goly: Şatlyk Gurbanow Ýokary ligadaky 10-njy pökgüsini geçirdi.
28-nji minutda ikinji gol: Möwsümde 28-nji minutda eýýäm ikinji gol geçirildi.
Gurbanow «Aşgabadyň» ilkinji 10-lugynda: Şatlyk Gurbanow «Aşgabadyň» düzüminde Ýokary ligada 2013-nji ýyldan bäri iň kän tapawutlanan oýunçylaryň ilkinji 10-lugyna girdi.
