Şu gün Russiýa Federasiýasynyň Türkmenistandaky ilçihanasy raýatlarynyň 25-nji ýolagçy howa gatnawyny gurady. Bu barada Russiýanyň ilçihanasynyň metbugat gullugy habar berdi.

Türkmenabat halkara howa menzilinden “Sibir” awiakompaniýasynyň S78536 uçary bilen 176 ýolagçy Moskwanyň “Domodedowo” howa menziline ugrady.

29-njy oktýabra meýilleşdirilen bu uçuş barada öň hem habar berlipdi.

Türkmenistandan Russiýa soňky gezek ýolagçy howa gatnawy 22-nji oktýabrda guralypdy.

Koronawirus pandemiýasy zerarly Türkmenistandan Russiýa yzygiderli howa gatnawlarynyň 2020-nji ýylyň mart aýyndan bäri togtadylandygyny ýatladýarys.